Xarunaha codeynta ee loogu talagalay doorashooyika ayaa ka furmay dalka Lubnaan,taasoo ah markii ugu horeysay tartan loo galayo Baarlamaanka dalkaasi mudd laga joogo sagaal sano.
Tartanka codeynta ee maanta bilaawday ayaa loo arkaa in ay ku loolamayaan 583 musharax oo doomaya 128-da kursi ee baarlamaanka dalkaasi.
3.8 milyan oo dad ah ayaa is-diiwaangelisay,waxaana sanduuqyada cod-bixinta oo ย gaaraya ย 6,800 la dhigay dhammaan dalka Lubnaan gudihiisa.
Maalinimadii Sabtida, ciidamada Mileteriga Lubnaan ayaa la dhigay guud ahaan deegaanada dalkaasi,si ay ugu diyaargaroobaan codeynta doorashada Baarlamaanka iyo waxa ka dhalan kara.
Doorashooyinkaan ayaa dhacaya markii ugu horeysay sagaal sano kadib,oo ay jireen khalalaaso siyaasadeed oo dhaliyay in dalka Lubnaan muddo 2-sano ah uu noqdo bilaa ย madaxweyne,isla markaana Baarlamaanka dalkaasi loo arko in ay sameystaan muddo kordhin dhowr jeer ah.
