Madaxweynaha Dowlad Goboleedka Puntland Dr. Cabdiweli Maxamed Cali Gaas ayaa maanta oo taariihdu tahay 3 Agust 2018 waxaa uu magaalada Garoowe ka daahfuray Dood-Cilmiyeed loogu magacdaray Doodaha Xagaaga.
Related posts
Madaxweynaha Puntland waxaa ku wehelinayey daahfurka barnaamijkan Ra’iisul-wasaare kuxigeenka Dowladda Federaalka Soomaaliya Mahdi Maxamed Guuleed, Guddoomiyaha Baarlamaanka Puntland Axmed Cali Xaashi, qaar kamid ah golayaasha dowlad Goboleedka Puntland, Saraakiil ka tirsan Madaxtooyada Puntland iyo xeel dheerayaal ka qayb qaadanaya dooda.
Dood-Cimiyeedkan oo loogu magacdaray doodaha Xagaaga (Summer Dialogues) ayaa waxaa qabashadiisa iska kaashaday Diakonia iyo Sidra, iyadoo madasha la isugu keenay dad aqoonyahanno ah oo ay dhex mari doonto dood cilmiyeed ku saabsan puntland iyo labaatankii sano ee lasoo dhaafay waxii u qabsoomay.
Dr. Cabdiweli Maxamed Cali Gaas oo khudbad muhiima ka jeediyey madashaasi ayaa waxaa ka mid ahaa hadalo kooban uu jeediyey,-
“Waan idin salaamayaa dhammaantiin ee uu ugu horreeyo Ra’iisul-wasaare kuxigeeka iyo Gudoonka Baarlamaanka, waana ku faraxsanaha inaan kasoo qayb galno dood cilmiyeedkan runtii loo baahnaa, waan u mahadnaqaynaa Sidra oo soo qaban qaabisay oo fikirka nala wadaagtay, dabadeedna aan ku raacnayย iyo intii dhaqaale ku bixisay mashruucani inuu hirgalo, kaqayb galayaasha dood cilmiyeedka iyo intiina furitaanka kasoo qayb gashayna aad baa u mahadsantihiin” ayuu yiri Cabdiweli Gaas oo hadalkiisa ku daray “Puntland 20 sano bay jirsatay waxaan ka sheekeenaynaa quruxdii iyo wanaagii, lakiin dadbaa wanaageeda lahaa aasaasideeda lahaa in badanoo ka mida waa ay geeriyoodeen aan u duceyno, ilaahay janadii haka sawaabiyo meel wanaagsan bay nooga tageen, waana lagu xasuusan doonaa dhammaantood ama isimo hanoqdeen, ama dad shacab caadiya hanoqdeen, ama madaxdii dalka soo martay hanoqdeen, Allaha u naxariisto dhammaantood”.
Ugu danbeyn Madaxweynaha Dowlad Goboleedka Puntland Dr. Cabdiweli Maxamed Cali Gaas ayaa marlabaad tacsi u diray eheladii iyo qaraabadii Marxuum Cabdifataax Maxamed Cali iyo Marxuum Axmed Maxamed Doolaal oo ahaa siyaasiyiin reer Puntland ah oo ku geeriyooday qarax lala beegsaday, xili ay ku sugnaayeen Degmada Buuhoodle.
–DHAMMAAD–ย ย ย ย ย
