Guddoomiyaha Maxkamadda Sare ee Dalka Garyaqaan Baashe Yuusuf Axmed ayaa waxa uu Shir muhiim ah la qaatay Dhammaan Guddoomiyayaasha Maxkamadaha Degmooyinka Gobolka Banaadir, waxaana kulankaasi looga hadlay dib u habeynta hay’adaha Garsoorka.
Shirka ayaa waxaa soo Qaban-qaabiyay Guddoomiyaha Maxkamadda Rafcaanka Gobolka Banaadir Garyaqaan Abshir Cumar Cabdullaahi waxaa kasoo Qeybgalay Guddoomiyaasha Maxkamadaha degmooyinka gobolka Banaadir.
Ugu horeyn Ajandaha Shirka ayaa waxaa jeediyay guddoomiyaha Maxkamadda Rafcaanka Gobolka Banaadir, Waxaan Dood iyo falaanqeyn kadib Qudbad dheer oo dhinacyo badan taabaneysa halkaasi ka jeediyay Guddoomiyaha Maxkamadda Sare ee Dalka.
Garyaqaan Baashe Yuusuf Axmed ayaa Kula dardaarmay Guddoomiyayasha in ay Xoogooda isugu geeyaan siddii loo Xoojin lahaa Hergalinta Nidaam Caddaaladeed ay Shacabku isku haleyn karaan, loona badali lahaa Fahamka qaldan ee horay looga aaminsanaa Maxkamadaha Dalka Guud ahaan gaar ahaan kuwa Gobolka Banaadir, isaggoo balan qaaday in wax laga qaban doono baahiyaha Shacabka ay u qabaan garsoorka.
Gabogabada Kulanka Guddoomiyaha Maxkamadda Sare ee Dalka iyo Guddoomiyaha Maxkamadda Rafcaanka Gobolka Banaadir ayaa si wadajir ah u gudoonsiiyey Guddoomiyayaasha Maxkamadaha Degmooyinka Nuqulo kamid ah Xeerarka Madaniga,Ciqaabta iyo Labadooda Habraac.
Kulankaan ayaa wuxuu qeyb ka yahay Shirarka looga gol leeyahay Isla Xisaabtan iyo Dardargalinta Adeega Garsoorka uu siiyo Shacabka Soomaaliyeed.
