Madaxweynaha Kenya Uhuru Kenyatta ayaa maanta waraaqaha aqoonsiga ka guddoomay Safiirka cusub ee Soomaaliya u magacawday dalka Kenya Danjire Maxamuud Axmed Nuur Tarsan.
Safiirka oo dhowaan loo magacaabay Safiirka cusub ee Kenya ayaa ka mid ahaa illaa 17 Safiir oo maanta waraaqahooda aqoonsiga uu qasriga Madaxtooyada kaga guddoomay Madaxweyne Uhuru Kenyatta.
Danjiraha cusubΒ ee dowladda Soomaaliya ay u soo magacowday dalka Kenya ayaa isla maanta la wareegay xilkiisa, kaddib munaasabad lagu qabtay magaalada Nairobi.
Maxamuud Axmed Nuur Tarsan ayaa horay u soo noqday Guddoomiyaha Gobolka Banaadir iyo Duqa Muqdisho iyo sidoo kaleΒ la taliye sare ee xafiiska Madaxweynaha dhinaca Arrimaha Siyaasadda.
