Kulanka Guddiga joogtada Golaha Aqalka Sare BFS ayaa waxaa shir gudoominayay guddoomiyaha golaha aqalka sare BFS Mudane Cabdi Xaashi Cabdullaahi, waxaana intiisa badan looga hadlay joojinta dagaal beeleedyada ka socda qaar ka mid ah Gobolada dalka.
Kulanka markuu soo gaba gaboobay ayaa warbaahinta waxaa la hadlay xoghaye ku xigeenka golaha aqalka sare Axmed Yuusuf ayaa sheegay in guddigu ay ku baaqeen in la joojiyo colaadda ka taagan Gobollada Hiiraan iyo Galgaduud.
Senator Maxamed Cismaan Dhagajuun iyo Senator Jawaahir Axmed Cilmi ayaa odayaasha dhaqanka iyo madaxda dowlad goboleedyada Galmudug iyo Hirshabelle ugu baaqay inay si deg deg ah uga qeyb qaataan joojinta colaadda.
Colaadda ka taagan Gobolada Hiiraan iyo Galgaduud ayaa waxa ay sababeen dhimasho, dhaawac iyo barakac dad rayid ah.
