Barakacayaasha ku jira Xeryaha ku yaala Magaalo Xeebeedka qadiimigaa ee Hobyo ayaa iminka waxaa soo wajahday xaalado Bini’aadanimo oo aad u daran taasoo saamayn daran ku yeelatay nolashooda.
Xaaladaha nolaleed ee soo fuudsaaray barakacayaashaan ayaa waxaa ka mid ah Biyo la,aan ,Caafimaad yari ka jirta Degmada Hobyo iyo Hoy xumo waxayna sheegayaan inay xaaladoodu tahay mid halis ugu jirta dhimasho iyo nafaqo la’aan.
Xaafiiska Warbaahinta Qaranka Soomaaliyeed ee Magaalo Xeebeedka Hobyo ayaa u kuurgalay xaaladaha aas aasigaa ee ay ku nool yihiin Muwaadiniinta Soomaaliyeed ahna dan yar ku jira xeryo barakac eek u yaal Hobyo waxayna ka dal badeen Dawladda Federaalka ah ee Soomaaliy’ Maamulka Galmudug oo ay hoos timaado Degmada Hobyo iyo Cidkasta oo wax awooda inay ka caawiyaan kana gacansiiyaan xaaladaha iminka hasta.
Guddoomiyaha Ururka Haweenka Degmada Hobyo Sacdiyo Axmed Jimcaale iyo Guddoomiyaha Kaamka Alixsaan Malyuun Aadan Maxamed oo la hadlay Warbaahinta Qaranka ayaa sheegay inay jiraan Caafimaad daro ka jirta Kaamamka iyo dhamaan Degmada Hobyo waxayna saamayn ku yeelatay dadka dan yartaa iyagoona sheegay in ay muhiim tahay inay helaan Caawimaad deg deg ah.
Dadkaan barakaca ku ah xeryaha ama Kaamamka ku yaal Magaalo xeebeedka Hobyo ayaa markii hore noolashoodu waxay ku tiirsaneed dhaqashada Xoolaha Nool iyo Kaakuulka waxaana saameeyay Abaarihii Dalka ku dhuftay Sanadihii lasoo dhaafay.
