Kadib mudo todobaadyo ah oo jahwareer iyo rasbshado salka ku haya loolan siyaasadeed ee ka taagnaayeen dalka Aljeria ayaa arrintaasi soo afjarantay,kadib markii uu ku dhawaaqay in uu xilka ka degay madaxweynaha 82 jirka ah ee dalkaasi.
Warbaahinta dalkaasi Aljeria ayaa shaacisay in madaxweynihii dalkaasi Abdelaziz Bouteflika uu si rasmi ah ugu dhawaqay in uu iscasilay,kadib todobaadyo ay dibadbaxyo ballaarani dalkaas ka socdeen.
Waxaa dastuurka dalkaasi uu qabaa in xilka uu sii hayo guddoomiyaha Baarlamanka Dalkaasi,ilaa 90 casho kadibna doorasho madaxtinimo la qabanayo,waxaana haatan degan xaaladda dalkaasi,islamarkaana ay istaageen rabashadihii badnaa.
Wuxuu dalkaasi xukumayay Madaxweyne Bouteflika ilaa 20 sano,, oo talada dalkaas hayey 20 sanadood,wuxuuna dalkaasi ka soo saaray marxalado kaladuwan,sida dagaalo dhiig badan uu ku daatay oo u dhexeeyey Militariga dalkaasi iyo xisbiyo siyaasadeed.
Madaxweynihii hore ee dalkaasi Aljeria ayaa in muddo ah xanuunsanayay,waxaana uu qorsheynayay in markii 5-aad uu xilka madaxtinimo uu isku soo sharxo,balse tasi waxaa ka dhalatay fowdo,iyadoo militariga dalkaasina ay goβaamiyeen in aanu dalka ka sii talin Karin Madaxweyne Bouteflika.
Waxaa jira eedaymo sheegaya in awooddii siyaasadeed ee Mr Bouteflika ay ka faaidaysteen kooxo baayac mushtar ah, siyaasiyiin iyo saraakiisha militariga β si ay jagooyinkooda u ilaashadaan,Xisbiga talada dalkaas haya ee National Liberation Front (FLN), oo dib u dhigay doorashooyinkii dhici lahaa 18 april, ayaa ballan qaaday in ay abaabuli doonaan shirwayne qaran oo isbaddalo cusub lagu taabbagalinayo.
Madaxweynaha talada baneeyey ee dalkaasi Aljeria Mr Bouteflika oo talada dalkaas qabtay sanadkii 1999, ayaa dalkaasi ka saaray xalaad murugo lahayd,kadib markii uu dhacay dagaal sokeeye oo dhiig badani uu ku daatay,kaas oo galaaftay nolosha 150,000 oo qof.
