Xukuumadda Qadar ayaa sheegtay in ay u direyso dadka reer Falastiin lacago doolar ah oo gaaraya 480 milyan,gaar ahaan dadka ku sugan deegaanka Daanta Galbeed ee ay heystaan ciidamada Israโil iyo Marinka Gasa ee ku jira xaalad goโdoon ah.
Related posts
Hadal manta oo Talaado ah ay sii daayeen Wasaaradda Arimaha Dibadda ee dalka Qadar,ayaa lagu sheegay in 3-boqol oo milyan oo ka mid ah lacagahaasi lagu taageeraayo barnaamijyada dhinacyada Caafimaadka iyo kuwa Waxbarashada ee ka socda magaalada Ramallah oo xarun u ah maamulka Falastiin,isla markaana gacanta ku haya ย qeybo ka mid ah Daanta Galbeed.
180 milyan ayaa sidoo kale loo qorsheeyay habka gargaarka degdegga ah ee xagga biniโaadanimada ,gaar ahaan barnaamijyada samofalka iyo kuwa Korontada ย ee ay wadaan Qaramada Midoobay.
Sadexdii cisho ee u dambeysay waxaa jiray duqeymo lala beegsaday Marinka Gasa iyo Koonfurta Israโil ,kuwaasย oo galaaftay nolosha 25-ruux oo Falastiiniyiin ah iyo 4- Yahuud ah.
Maalinimadii shalay Israโil iyo Falastiin waxa ay gaareen ย heshiid xabad-joojin ah oo ay soo qaban qaabiyeen Masar iyo Qadar,waxaana caawiyay Qaramada Midoobay.
