Wasiirka arrimaha dibadda iyo iskaashiga Caalamiga ah ee dowladda Federaalka Soomaaliya Mudane Amb. Ahmed Ciise Cawad oo maalmahan ku sugnaa magaalada Minneapolis Gobolka Minnesota ee dalka Mareykanka ayaa kulan la qaatay qaar ka mid ah Jaaliyadda Soomaaliyeed qaybaheeda kala duwan iyo Madaxda Gobolka Minnesota, wuxuuna Wasiirku uga war-bixiyey xaaladda dalka iyo guulaha laga gaaray arrimaha Siyaasadda, Ganacsiga iyo xariirka Caalamiga ah.
Kullankaan oo ay iska kaashadeen hay’adda Global Minnesota oo ah Hay’ad ay kullansadeen ganacsatada Gobolka & Jaamacadda Augosburg ayaa waxaa wasiirka Su’aalo laga waydiiyey Xaaladda dalka,isagoo jawaabo waafi ah ka siiyey dadkii goobta ku sugnaa.
Xaamud Maasheeye Wasiiru dowlahihi hore ee wasaaradda arrimaha dibadda ee dowladdii uu gar wadeenka ka ahaa Madaxweyne Sheikh Shariif ayaan tilmaamay in dowladu ay ku talaabsatay hormaro badan oo ay arrimaha dibadda ugu horeyso.
Khadiijo Cali oo ka mid ah ganacsatada Soomaaliyeed ee Gobolka Minnesota kana tirsan hay’adda Global Minnesota ayaa war-baahinta Qaranka uga war bixisay sababta ku dhalisay shirkaan uu martida ku ahaa Wasiirka wasaaradda arrimaha dibadda dowladda Federaalka Soomaaliya.
Ugu danbayntii wasiirka ayaa Xusay doorka ay jaaliyadda Soomaaliyeed ku leedahay dib-u-dhiska Soomaalia, kulana dar-daarmay in ay tallo, Toosin iyo tabarucaadba uga qayb-qaataan kalin mug iyo miisan leh.
