Madaxweynaha Jamhuuriyada Fedraalka Soomaaliya Mudane Maxamed Cabdullaahi Farmaajo ayaa maanta kumanaan ka mid ah muwaadiniinta Soomaaliyeed ee ku nool Caasimadda Dalka kala qeybgalay munaasabad lagu weyneynayay xuska 59 sano guuraddii ka soo markii ay xoroobeen goboladda Koofureed ee Dalka sidoo kalana ay midoobeen Goboladii Waqooyi iyo kuwii Koofureed ee Dalkeena.
Munaasibada xuska 1-da Luuliyo oo sanadkaan si weyn uga duw’neyd sanadihii hore ayaa waxaa lagu qabtay Garoonka Koonis ee Magaaladda Muqdisho halkaasi oo lagu soo bandhigay dhacdooyin lagu muujino qiimaha uu qarankeena u leeyahay maalinkani.
Related posts
Wasiiro, Xildhibaano, Taliyaasha Ciidamadda qalabka sida, Diblumaasiyiinta Safaaradaha dalka ku yaala, iyo kumanaan ka mida Shacabka ku nool Caasimadda Dalka ayaa sidoo kale ka qeyb galay munaasibadan.
Cutubyo ka tirsan Ciidamadda qalabka sida ee qaranka ayaa soo bandhigay Gaarda ka ciyaar ay aad ula dheceen dadkii u soo daawashada tagay munaasibada 1-da Luuliyo.
Madaxweynaha Jamhuuriyada Fedraalka Soomaaliya Mudane Maxamed Cabdullaahi Farmaajo oo qudbad ka jeediyay munaasibada ayaa ku booriyay Muwaadiniinta Soomaaliyeed in ay weyneeyaan maalmahaan oo kale waxa uuna ugu baaqay sidoo kale in ay u midoobaan dib u dhiska dalkooda.
Madaxweyne Farmaajo ayaa tilmaamay in sida keliya ee Ummadda Soomaaliyeed la isugu keeni karo ay tahay Wadaniyadda oo la xoojiyo si loo soo celiyo Qabkii iyo Kalsoonidii Ummadda ee ku aadaneyd wax u qabashadda Dalkooda.
