Kullankaan ay Guddiga hourmarinta adeegga bulshada, Arrimaha beni’aadannimada, Warfaafinta iyo Dhaqanka ee Golaha Aqalka Sare Baarlamaanka Federaalka Soomaaliya ay la yeesheen dhaqaatiirta Caafimaadka, Ururada Bulshada Rayidka iyo dadka baahiyaha gaarka qabo ayaa waxaa looga hadlayay Hindise Sharciyeedka Mihnadlayaasha Caafimaadka ee ay soo gudbisay Wasaaradda Caafimaadka Xukuumadda Federaalka Soomaaliya.
Prof, Cismaan Xaaji Maxamud Dufle oo ka mid ah Guddiga hormarinta adeega bulshada, arrimaha beni’aadanimada, Warfaafinta iyo Dhaqanka ee Golaha Aqalka ahna Gudi Hoosaadka caafimaadka ayaa ugu horeyn ka hadlay muhiimadda Hindise Sharciyeedka uu u leeyahay bulshada, loona baahanyahay in bahda mihnadlayaasha ay soo bandhigaan fikirkooda
Qaar ka mid ah dhaqaatiirta Caafimaadka, Ururada Bulshada rayidka iyo dadka baahiyaha gaarka qabo ayaa ka hadlay Hindise Sharciyeedka Mihnadlayaasha Caafimaadka, waxa ayna sheegeen in xiligaan loo baahnaa Sharcigaan ay Wasaaradda Caafimaadka soo bandhigtay.
Senator Samsam Daahir Maxamuud Xoghayaha Guddiga horumarinta adeegga bulshada ee golaha aqalka sare ayaa sheegtay in loo baahanyahay Arragtida Bahda Caafimaadka, ayna diyaar u yihiin inay arruuriyaan tallooyinkooda.
Axmed Macalin Cumar Axmed Nadiir Guddomiyaha Guddiga horumarinta adeegga bulshada, arrimaha beni’aadanimada, Warfaafinta iyo dhaqanka ee Golaha Aqalka Sare Baarlamaanka Federaalka Soomaaliya ayaa u mahadceliyay qeybaha kala duwan ee ka soo qeyb-galay kullankaan wadatashiga ah oo looga tashanayay hindise Sharciyeedka Mihnadlayaasha Caafimaadka.
Sharcigaan ayaa waxaa soo gudbiyay Wasaaradda Caafimaadka Xukuumadda Federaalka Soomaaliya, waxaana horey usoo ansixiyeen Golaha Shacabka Baarlamaanka Federaalka Soomaaloya, haatana wuxuu horyaalaa golaha Aqalka Sare.
