Golaha Aqalka Sare oo meel mariyay sharciga Batroolka dalka “SAWIRRO”

Xildhibaannada Golaha Aqalka Sare ee Baarlamaanka Federaalka Soomaaliya ayaa maanta ansixiyay Hinidse-sharciyeedka Batroolka kadib kulan ay Muqdisho ku yeesheen.

Kulankii 25-aad ee Kalfadhiga 6aad ee Golaha Aqalka Sare Baarlamaanka Federaalka Soomaaliya waxaa shir guddominayay Guddomiyaha Golaha Aqalka Sare Senator Cabdi Xaashi Cabdullahi, ayada oo ay ku-wehliyaan Guddomiye Ku-xigeenka 1aad ee Golaha Aqalka Sare Senator Abshir Maxamed Axmed iyo Guddomiye ku-xigeenka 2aad ee Golaha Aqalka Sare Senator Moowlid Xuseen Guhaad.

Related posts

Duqa Muqdisho oo la kulmay madaxda UNOPS si loo dardargeliyo dib-u-dhiska waddooyinka

July 3, 2025

Madaxweynaha Koonfur Galbeed oo noqday qofkii uga horreeyay ee ka qaata kaarka Codeynta KGS

July 3, 2025

Senatorada ayaa dood ka yeeshay sharcigan, waxaana ugu dambeyn la isku raacay in cod la geliyo.

Guddomiyaha Golaha Aqalka Sare Senator Cabdi Xashi Cabdullahi ayaa ku dhawaaqay in Hindise-sharciyeedka Batroolka ay u codeeysay 28 Senator, waxaana haa ku ogaalatay 24 Senator, halka ay ka aamuseen 4 Senator mana jirin cid diiday, sidaas ayuuna ansax ku yahay.

Wasiirka Batroolka ee Xukuumadda Federaalka Soomaaliya Mudane Cabdirashiid Maxamed Axmed ayaa uga mahadceliyay Xildhibaannada Golaha Aqalka Sare sida ay u meel mariyeen sharcigan.