Xaflad lagu maamusayay Waxqabadka Wasaaradda Caddaaladda Xukuumadda Federaalka Soomaaliya sanadkii tegay ee 2019 oo ay ka soo qeyb galeen mas’uuliyiin ka tirsan Dowladda, xubno ka socday ururka Haweenka Qaranka Soomaliyeed iyo marti sharaf lagu casuumay ayaa lagu qabtay Muqdisho
Agaasimaha Guud ee Wasaaradda Caddaladda Maxamed Cabdi Xasan oo munaadabada ka hadlay ka sheekeeyay waxyaabihii u qabsoomay Wasaaradda.
Gudoomiyaha ururka Hawewnka Qaranka Soomaliyeed Marwo Batuulo Sheekh Axmed Gaballe ayaa ka sheekeysay cadaalad darada ka jirtay dalka dhowr iyo toban sanno ka hor xilli colaado sokeeye uu ku jiray.
Garyaqaan Muuse Macalin Maxamed Guddoomiyaha Maxakamadda Gobolka Banaadir ayaa qiray cadaaaladda dalka inaysan gaarin meeshi laga rabay laakiin ay dadaal galiyeen sidii ay cadaalad buuxda u heli lahaayeen shacabka Soomaliyeed ee ku nool magaalada Muqdisho.
Madaxa Hoggaanka Saraakiisha Ciidanka Asluubta Sareeye Guuto Macalin Xasan Cumar Afrax oo ku hadlay magaca Ciidamada Asluubta ayaa ku ammaanay mas’uuliyiinta Wasaaradda Caddaladda dadaalka ay galiyeen hagaajinta Garsoorka.
Wasiirka Wasaaradda Caddaladda ee Xukuumadda Federaalka Soomaaliya mudane Xasan Xuseen Xaaji oo xaflada soo gabagabeeyay ayaa u madceliyay cid kasta oo gacan ka geeysatay horumarinta caddaaladda Soomaaaliya.
