Ciidamada Amniga Dowlad Goboleedka Puntland oo Howlgalo ka sameeyey Magaalada Boosaaso.

Ciidamada Amniga Maamulka Puntland ayaa xalay Howlgalo amniga lagu xaqiijinayo ka sameeyay Magaalada Boosaaso ee Xarunta Gobalka Bari.

Howlgalka oo ahaa mid qorsheeysan ayaa Ciidamada sigaar ah uga fuliyay guryo ku yaalla Boosaaso, waxaana inta uu socday howlgalka lagu soo qabtay dad badan u dhalinyao, kuwaasi oo loo maleynayo inay xirrir la leeyihiin Kooxo ay ku sheegeen inay Cadow yihiin.

Related posts

𝑹𝒂’𝒊𝒔𝒖𝒍 𝑾𝒂𝒔𝒂𝒂𝒓𝒆 𝑿𝒂𝒎𝒔𝒂 𝒐𝒐 𝒒𝒂𝒅𝒌𝒂 𝒕𝒂𝒍𝒆𝒆𝒇𝒐𝒐𝒏𝒌𝒂 𝒖𝒈𝒖 𝒉𝒂𝒎𝒃𝒂𝒍𝒚𝒆𝒆𝒚𝒂𝒚 𝑴𝒂𝒅𝒂𝒙𝒘𝒆𝒚𝒏𝒂𝒉𝒂 𝑱𝒂𝒃𝒖𝒖𝒕𝒊 𝑰𝒔𝒎𝒂𝒂𝒄𝒊𝒊𝒍 𝑪𝒖𝒎𝒂𝒓 𝑮𝒆𝒆𝒍𝒍e

April 11, 2026

Wasiirka Arrimaha Dibadda XFS oo Tripoli uga qeybgalay dib u howlgelinta xarunta (CEN-SAD),

April 11, 2026

War qoraal ah oo kasoo baxay Taliska Ciidanka amniga maamulka Puntland ee (PSF) ayaa waxaa lagu sheegay in howlgalka uu ahaa mid looga hor tagayay falka amni darro ee xiliyada qaar ka dhaca xarumaha dowladda, Saldhigyada Ciidamada iyo goobaha ay bulshadu ku kulanto sida Masaajida iyo Suuqyada Magaalada Boosaaso.

“Ciidanka PSF oo kaashanaya shacabka Magaalada Bosaso waxay ku soo qabteen hawlgalladan socda xubno lagu tuhmayo in ay ka tirsan yihiin kooxaha cadowga ah, kuwaas oo baaritaano ku socdaan” ayaa lagu yiri qoraalka Taliska Ciidanka (PSF).

Ugu dambeyntii Saraakiisha Ciidanka (PSF) ayaa u mahadceliyay Shacabka Soomaaliyeed ee ku sugan Magaalada Boosaaso, iyagoona ka dalbaday inay la shaqeeyaan laamaha amniga si looga hortego falalka amni darro ee xiliyada qaar ka dhaca Boosaaso.