Kulan ay soo abaabuleen maamulka Degmada Tiyeeglow ee iminka ku shaqeeya dhanka magaalada Xudur, isla markaana lagu taageerayay Xildhibaannada cusub Baarlamaanka 2-aad ee Koonfur Galbeed ayaa dhinac kale wacyigelin loogu sameeyey shacabka degan kaamka Tiyeeglow ee magaalada Xudur.
Qeybihii kala duwanaa ee kulanka ka hadlay ayaa aad ugu dheeraaday in la qaato amarka dowladda lana dhageysto fariimaha wacyigelineyd ee Wasaaradda caafimaadka gudbinayso.
Dhanka kale Odayaasha dhaqanka Degmada Tiyeeglow ayaa maamulka Koofur galbeed ka codsaday in shacabka ku xaniban degmada Xudur dib loogu celsho degmadooda Tiyeeglow, halkaasi oo ay weli gacanta ku hayaan dhagar qabayaasha Al-Shabaab.
Gabagabadii waxa kulankaan oo looga hadlay taayeerada Xildhibaannada iyo wacyigelinta ka hortaga cudurka COVID-19 ka hadlay Guddoomiyaha Degmada Tiyeeglow Maxamed Cabdalla Xasan (Food Cadde) ayaa barakacayaasha farey in ay nadaafadda ku dadaalaan
