Taliyaha Qeybta Booliiska Gobalka Mudug Gashaanle Dhaxe Qaasim Sheekh Doon Cali oo ay Wehliyeen Masuuliyiinta Maamulka Dowlada Hoose Ee Dagmada Galkacyo Ee Galmudug ayaa Maanta Kormeeray Sida Ay U Socoto Dhismaha wadada aada Saldhiga Booliiska Dagmada Galkacyo Taas oo Dhismaheedu Uu dhawaan Ka bilaawday Magaalada Galkacyo Isla Markaana Qeyb Ka ah dhismaha Wadooyinka gaaraya Ku dhawaad 10 Wado Oo Ka Socanaya Koofurta Magaalada Galkacyo.
Kormeerkaan ayaa Ujeedkiisu ahaa Hubinta Iyo La Socadka hanaanka dhismaha wadadaas Iney tahay mid waafaqsan Sidii loogu talagalay waxaana Intii lagu guda Jiray warbaahinta Qaranka ugu Horeyn La hadlay Duqa Dagmada Galkacyo Xirsi Yuusuf Barre waxaana uu Ka warbixiyay ahmiyada ay Wadadaan U leedahay Ciidanka Booliiska gaar ahaan Iyo faa’iidada ugu Jirta guud ahaan Shacabka Gaalkacyo.
“Wadadaan waxa ay muhiim tahay guud ahaan bulshada ku nool Magaalada Gaalkacyo sidoo kale waxa ay qeyb-ka qaadaneysaa bilicda Magaalada iyo inay fududeyso isku socodka gadiidka sido kale waxa ay waxbadan ka tireysaa sugida amaanka”
Taliyaha Qeybta Booliiska Gobalka Mudug Gaashaanle Dhaxe Qaasim Sheekh Doon Cali ayaa ugu baaqay Bulshada Inay la Shaqeeyaan Maamulka Dagmada Si loo gaaro hadafka laga leeyahay dhismaha Wadooyinka iyo sidoo kale wax Ka qabashada Nadaafad darada ,waxaana dhinaca kale Sheegay Inay Xooga Saari doonaan Ciidanka Boolisku Sugida Amniga Iyo Nabad Galyada.
“Anaga waxaa naga go’an inaan xooga saarno sugida Amaanka si bulshada ay u helaan nabad waarta hase ahaatee waxaa shacabka uga baahanahay inay la qaataan wada-shaqeyna iyo sidoo kale inaan kawada shaqeyno bilicda Magaalada”
