Tartan cilmiyeedka bisha Ramadaan oo galay sanadkii sagaalaad oo ay qabaneyso Warbaahinta Qaranka, isla markaana si toos ah looga daawanayo Telefishinka Qaranka, lagana dhageysto Idaacadda Radio Muqdisho habeen waliba ayaa waxaa caawa kulankiisa lixaad oo ah wareegga koowaad ku tartamay tartameyaasha Degmooyinka Kaaraan Vs Shibis oo ka wada tirsan Gobolka Benaadir, waxaana barnaamijka sanadkii todobaad oo xiriir ah taabagelineya Maamulka Gobolka Benaadir.
Related posts
Tartameyaasha labada degmo ee Kaaraan Vs Shibis ayaa muujiyey tartan aad u adag, isla markaana ahaa mid xiiso gaar ah xambaarsan, iyagoo soo bandhigay aqoon iyo asluub wanaag labada dhinac.
Kaaraan
Tartamayaasha Degmada Kaaraan ee gobolka Benaadir waxaa la weydiiyay todobo suβaal, waxa ay ka jawaabeen Shan suβaal, iyagoo iska qalday Labo suβaal, ma jirin wax ka faaβiideysi ah oo ay heleen tartamayaasha Kaaraan, sidaasi darteed wadarta guud ee dhibcaha ay heleen tartameyaasha Degmada Kaaraan waxay noqotay toban (10) dhibcood.
Shibis
Tartameyaasha Degmada Shibis ee gobolka Benaadir waxaa dhankooda la weydiiyey todobo Suβaal, waxa ay ka jawaabeen Shan suβaal, waxaana ay iska qaldeen Labo suβaal, dhankooda waxa ay ka faaβiideysteen Hal suβaal oo soo hareer martay dhigooda Kaaraan, sidaa darteed wadarta guud ee dhibcaha tartameyaasha Degmada Shibis ay heleen waxay noqotay labo iyo toban (12) dhibcood.
Tartamayaasha Degmada Shibis ee Gobolka Benaadir ayaa caawa u soo gudbay wareegga labaad ee tartanka.
Habeen dambe haddii uu Alle idmo oo ah habeenka todobaad ee tartanka, waxaa foodda is dari doono, tartamaayasha degmooyinka C/casiis Vs Kismaayo oo ka kala tirsan Gobollada Benaadir iyo Jubbada Hoose.
