Hadaba qaar ka mid dadka ku nool Magaalada baladweyne ee Xarunta Gobolka Hiiraan ayaa saakay ka barakacaya ka dib Fatahaada wabiga Shabeele uu ka wado gudaha Magaalada waxaana sii kordhaya biyo baxa uu sameeynayo
Xaafadaha Magaalada iyo inta badan wadooyinka ayaa saakay waxaa buux dhaafiyay biyo farabadan iyadoo wali ay socdaan dadaalo lagu xakeynayo biyaha waxaana sii kordhaya Cabsi laga qabo inay dhacaan fatahaaddo qasaaro geysta.
Maamulka gobolka Hiiraan ,kan degmada Baladweyne ,ganacsatada iyo qeybaha kala duwan ee bulshada oo iskaashayo ayaa wado howlo caro tuur loogu sameeynayo goobaha uu Fatahaada kawada Wabiga ee Duleedka Magaalada .
Sidoo kale Maamulka Gobolka ayaa ilaa iyo xalay howlaha biyaha lagu xerayo ka waday duleedka Magaalada iyo goobaha laga qabsi qabo inuu fatahaad ka sameeyo Wabiga waxaana uu maamulka uu shacabka ku booriyay in la xoojiyo iskaashiga si looga hortago fatahaadaan.
Dowladda Soomaaliya ayaa dhinaceeda wada dadaalo garab xooggan lagu siinayo bulshada heer Hiiraan si layskaga kaashado xeritaanka goobaha uu wabiga shabeele fatahaada uu kawado waxaana ay geystay agab loogu hortago fatahaaada.
S/Q Ibraahim Muxumed Geedi
