Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) oo ay wehliyaan qaar ka mid ah guddoomiye ku xigeenada maamulka gobolka abanaadir ayaa howla kormeer ah ku tagay xarunta wacyigalinta cudurka halista ah ee Covid-19 oo ay ku diyaarsanaayeen howl wadeena heegan ugu jiray waajibaadkii loo igmaday ee la xariira wacyigalinta ka hortaga faafitaanka Coronavirus.
Guddoomiye Cumar Filish ayaa warbixin ka dhageystay howl-wadeenada xarunta waxaana ay sheegeen in xaruntaa ay shaqeyso 24-saacood oo ah habeen iyo maalin iyagoo shaqaalaha look ala qeybiyay.
Guddoomiyaha Gobolka Banaadir ahna duqa muqdisho mudane Cumar Maxamuud Maxamed Cumar (Filish) ayaa ku bogaadiyay howl-wadeenada howlaha nab=f badbaadinta leh oo loogu hortagayo faafintaan cudurkaan safmareenka ee Covid-19 waxaana uu kula dar daarmay inay sii labo jibaaraan howshaan ay u hayaan shacabkooda Soomaaliyeed.
“Waxaan shacab weynaha caasimada aan ugu baaqay markale in raacaan talooyinka caafimaadka ee logu xakameynayo xanuunkaan dhibaatada ba’an ku haayo caalamka ee Karoona Soomaaliyana ay ka mid noqotay wadamada uu saameeyay “ayuu yiri guddoomiye cumar Filish.
“Waxaan aamin sanahay hadii la qaato tilmaamaha laga bixinayo halista cudurkaan inaan ka mid noqon karno dalalka ugu horeeyo ee ka guuleysta wal-walka iyo dhibaatada uu leeyahay cudurkaan covid-19” ayuu ku daray guddoomiyaha gobolka banaadir ahna duqa caasimada Mudane Cumar Maxamuud Maxamed Cumar (Filish).
