Xubno ka mid ah Wasiirrada Hirshabeelle, maamulka Gobolka Hiiraan iyo saraakiil ka tirsan Ciidanka Xoogga Dalka ayaa maanta kulan kula yeeshay Degmada Feer-feer Saraakiisha hoggaanka Nabad-gelyada Dowlad degaanka Soomaalida Itoobiya, si xal looga gaaro xiisad colaadeed oo dhowaan beelo walaalo ah ku dhex-martay degaanka Abaaleey.
Kulanka ayaa diiradda lagu saaray sidii labada dhnac ay xal waara uga gaari lahaayeen colaadda soo noq noqotay, isla markaana la isla qaato in bulshada labada dhinac wada degta ay si nabad gelyo ah ku wada noolaadaan.
Ku dhowaad 14 Qof ayaa ku geeriyootay Dagaalladii ugu dambeeyay ee labadaasi Beelood ku dhexmara degaanka Abaaleey ee dhaca xadka Soomaaliya iyo Itoobiya halka Boqolaal kalena ay ku barakaceen.
