Degmada Balad Xaawo ee Gobolka Gedo ayaa xalay si weyn looga xusay munaasabadda 26 June oo ku beegneyd 60 guuradii ka soo wareegatay markii xornimada ay qaateen Gobolada Waqooyi, islamarkaana la taagay calanka Dalkeena Hooyo.
Munaasabad kooban oo lagu qabtay xarunta Degmada Belad Xaawo ayaa waxaa ka qaybgalay Maamulka Gobolka Gedo, kan Degmada Beled Xaawo iyo qaybaha kala duwan ee Bulshada ku dhaqan magaalada Balad Xaawo, kuwaasi oo sitay calanka baluugga ah ee dhexda ku leh xidigta shanta gees leh.
