Baarlamaanka Golaha Shacabka Jamhuuriyadda Federaalka Soomaaliya ayaa Maanta meelmariyay xeerka matalaadda Gobolka Banaadir.
142 mudane ayaa oggolaatay in uu Gobolka Banaadir 13 xubnood ku yeesho Aqalka Sare ee Baarlamaanka, Afar ayaa diidday, mana jirin cid ka aamustay.
Xubnaha Aqalka sare ee Baarlamanka Soomaaliya oo markii hore ahaa 54 mudane oo metalaya maamul Goboleedyada Dalka, ayaa waxay tiradan lagu kordhiyay ka dhigeysaa 67 xubnood.
Xeerkan ay Golaha Shacabku ansixiyeen ayaa la filayaa inuu maro Aqalka sare ee Baarlamaanka Soomaaliya.
