Galabnimadii arbacada Dowladda Federaalka Soomaaliya oo kaashaneysa Taliska Ciidamada Mareykanka ee AFRICOM ayaa waxay duqeyn xagga cirka ku qaadeen kooxda argagixisada ah ee Al-Shabaab oo ku sugnaa meel u dhow deegaanka la yiraahdo Hantiwadaag ee Shabeelada Hoose.
Duqeyntan oo lagu guulaystay ayaa waxaa lagu dilay xubin ka tirsan kooxda argagixisada ah ee Al-Shabaab.
Dowladda Federaalka Soomaaliya, ciidamada X.D.S, ee guutada Danab iyo dowladda saaxiibka la ah ee Mareykanka waxaa ka go’an la dagaalanka argagixisada Al-Shabaab si looga hortago leynta dadka shicibka ah ee aan waxba galabsan oo ay ka mid yihiin ragga, dumarka iyo carruurta Soomaaliyeed iyo kuwa dalalka deriska la ah Soomaaliya. Dadaalka aan gelineyno ilaalinta iyo badbaadinta dadka shacabka ahi waxay liddi ku tahay duullaannada aan kala sooca lahayn ee kooxda Al-Shabaab ay ku qaadaan shacabka Soomaaliyeed.
Dowladda Federaalka Soomaaliya iyo saaxiibbadeeda Mareykanka ee AFRICOM waxay dhexda u xirteen in ay jebiyaan koox iyo cid walba oo argagixisa ama dhibaataysa shacbiga Soomaaliyeed.
