Madasha wadatashiga ka qeyb galka siyaasadda Haweenka Soomaaliyeed ayaaa ka dooday hannaanka ay u wajahayaan doorashada soo socota 2020/2021 iyo doorka ay haweenku ku leeyihiin nidaamka xisbiyada badan ee dalka.
Haweenka oo oo muddo labo cisho ah kulan uga socday magaalada Muqdisho ayay ku gorfeeyeen sida ay lagama maar maanka u tahay in markasta la caddeeyo kaalinta ay haweenka ku leeyihiin doorashooyinka dalka.
Caasho Cabdulle Siyaad oo ka socotay bulshada Rayid Sahro Maxamed Axmed Guddoomiyaha Hay,adda SWDC ayaa madaxda dowlad goboleedyada iyo dowladda Federaalka ka codsaday inay iska kaashadaan doorasho xor ah oo ku dhacda dalkeena, iyadoo lagu hagayo sharuucda dalka uu leeyahay.
Gaba gabadii ayaa shirka laga soo saaray warmurtiyeedka ku aadan marxalada uu dalku marayo, waxaana talada lagu xoojiyay doorka haweenka Soomaaliyeed ay ku yeelanayaan siyaasadda iyo xubnaha Barlamaanka.
Muddada labada cishada ah uu soo socday shirkaan waxaa ka qeyb-galay quburo iyo aqaanyahano in badan ka soo shaqeyay arrimaha haweenka, iyadoo gabdhaha da’da yar looga sheekeynayay tariikhda iyo halgankii ay haweenka Soomaaliyeed ka soo qaateen dowladnimada iyo dib u kabashada haatan uu dalku ku jiro.
