Wafdi saraakiil ah ee uu hoggaaminayo Taliyaha qeybta 27aad ciidanka dhulka ee Xoogga Dalka Soomaaliyeed Jeneraal Axmed Maxamed (Tareedisho) ayaa maanta garay magalada Baladwenye ee xarunta Gobolka Hiiraan, halkaasi oo ay ku soo dhaweeyeen ciidamada xoogga dalka qeybta 27aad.
Wafdiga Taliyaha waxaa qeyb ka ahaa Taliyaha qeybta 12-ka Abriil ee Ciidanka dhulka ee Xoogga Dalka Soomaaliyeed Jeneraal Tawane Axmed iyo Taliyaha guutada 22aad qeybta 27aad ee ciidanka dhulka korneyl Maxamud Xasan Baakaay.
Taliyaha qeybta 27aad ciidanka dhulka Xoogga Dalka Soomaaliyeed ayaa markii ay gaareen Beladweyne waxa ay salaan sharaf ka qaateen cutubyo ka tirsan ciidanka, isagoo mid mid u gacan qaaday ciidankii ka qeyb qaadanayay soo dhaweyntiisa.
