Ciidanka xoogga dalka, gaar ahaan kuwa Danab ayaa howlgal qorsheysan oo ay ka sameeyeen deegaanka Gendarshe ee gobolka Shabeellaha hoose waxey ku soo qabteen gaari Saaruf ah oo maleeshiyada Al-shabaab ay ku soo rareen waxyaabaha qarxa.
Taliya Guutada 16-aad ee kumaandooska Danab G/le Ismaaciil Cabdi Maalik Maalin ayaa idaacadda ciidamada Qalabka sida u xaqiijiyay in ciidanku ay gacanta ku dhigeen gaarigaan oo ay ka buuxaan walxaha qarxa kuna soo jeeday magaalada Muqdisho si loogu xasuuqo shacabka Soomaaliyeed.
Taliyaha Guutada 16-aad ee Kumaandooska Danab ayaa sidoo kale sheegay in ciidanku ay soo qabteen miinooyin badan iyo maleeshiyaadkii dhagarta u maleegayay shacabka Soomaaliyeed.
Qabashada gaarigaan iyo miinooyinka ayaa dhabar jab ku noqoneysa maleeshiyaadka argagaxisada Al-shabaab oo caadeystay daadinta dhiiga shacabka Soomaaliyeed ee aan waxba galabsan,waxeyna ciidanka xooggu u taaganyihiin ilaalinta shacabka.
