Taliyaha Saldhiga Booliska Garoonka Diyaaradaha Aadan Cabdulle Kornayl Cabdifataax Bashiir Cali ayaa ugu baaqay rakaabka allaabtooda kaga lunto xilliyada safarada gudaha iyo dibadda ay la soo xiriiraan taliska booliska ee garoonka si ay ugu wareejiyaan alaabtii ka luntay.
Taliyaha oo u waramay Warbaahinta Qaranka ayaa ka codsaday Madaxda Wasaaradda Warfaafinta, Dhaqanka iyo Dalxiiska gaar ahaan Wargeyska Dalka iyo Telefishinka Qaranka Soomaaliyeed ay kala shaqeeyaan sidii loogu wareejin lahaa qofkasta alaabtii uu kaga luntay.
Kornayl Cabdifataax Bashiir Cali ayaa soo dhaweeyay Waaxda Wargeyska Dalka iyo Wakaaladda SONNA oo todobaadkii labaad gaarsiisay Garoonka Aadan Cabdulle Cismaan boqolaal Joornaal oo lacag la’aan ah si muwaadiniinta Soomaaliyeed ee jecel akhriska ee u safraya goballada iyo dalalka caalamka, si ay ula socdaan waxyaabaha uu wargeysku qoro.
