Shirkan looga hadlayo isku-xirka laamaha Socdaalka Jinsiyadaha ayaa lagu qabtay magaalada Dhusamareeb waxaana ka soo qaybgalay agaasimaga guud hay’ada Socdaalka iyo Jinsiyadaha Soomaaliya G/sare Maxamed Axmed Koofi, gudoomiyaha guddiga madaxa-banaan ee doorashooyinka qaranka Xaliimo Yareey, wasiiro, xildhibaano, saraakiil, maamulka magaalada Dhusamareeb iyo bulshada.
Waxaa ugu horayn furitaanka ka.hadlay agaasimaha laanta afaraad ee hay’ada Socdaalka iyo Jinsiyadaha Sugaal Yuusuf.
Xasan C/qaadir Maxamed agaasime ku-xigeenka guud ee ha’ada Socdaalka iyo Jinsiyadaha ayaa ka warbixiyey waxyaabihii la soo qabtay sadaxdii bilood ee la soo dhaafay sidoo kalana waxa uu faah faahin ka bixiyey arimaha baasaboorka.
Gudoomiye ku-xigeenka amniga iyo siyaasada caasimada Galmudug Cabdi Xaashi Caroole ayaa isna ka hadlay shirkan waxa uuna aad u bogaadiyey shirkan oo lagu qabtay caasimada Galmudug ee Dhusamareeb waxa uuna madasha ka sheegay in maamulka caasimadu uu bixinayo dhulkii laanta afaraad xafiisyada ka dhisan lahayd.
Taliyaha qaybta guud ee booliiska Galmudug sareeye guuto Bishaar Abshir Geedi oo madasha ka hadlay ayaa sheegay in taliska booliiska iyo hay’ada Socdaalka iyo Jinsiyadaha lee yihiin xariir wada shaqayn.
Ugu dambayn waxaa shirka ka hadlay agaasimaha guud ee hay’ada Socdaalka iyo Jinsiyada Soomaaliya G/sare Maxamed Axmed Koofi waxa uuna sheegay in shirkani yahay shir howleed waxyaabaha ugu muhiimsan ee loo qabtana uu yahay isku-xirka laamaha Socdaalka lana dhagaysto aragtiyada bulshada.
shirkan oo sadaxdii biloodba mar la qabto ayaa waxaa hada nasiib u heshay in markii ugu horaysay lagu qabto magaalada dhusamareb ee caasimada galmudug maamulka magaalada ayaana arintaas aad u soo dhoweeyey waxa ayna balan qaadeen inay bixinayaan dhulkii laanta afaraad xafiisyada ka dhisan lahayd.
