Madaxweyne ku xigeenka Dowlad Gobolleedka Galmudug Mudane Cali Daahir Ciid ayaa sheegay in uu kulan muhiin ah Magaalada Muqdisho kula qaatay Safiir ku xigeenka Dowladda Talyaaniga ee arimaha Dalka Somaaliya H.E Fabio Massimo Ballerini.
Dhinacyadaasi waxay kulankaasi diirada ku saareen xoojinta wada shaqeynta, sare u qaadida amniga iyo dardar galinta mashaariicda horumarineed ee ay wado dowladda talyaaniga.
Madaxweyne ku-xigeenka ayaa bogaadiyey taageerada ay u muujiyeen hoggaanka cusub ee Safaaradda maamulka Galmudug, isagoo ballanqaaday in Galmudug si dhow ula shaqeyn doonto.
Safiir ku-xigeenka ayaa ku dhiirigeliyay guulaha muhiimka ah ee Galmudug u qaaday dhanka nabada ,wuxuuna kula dardaarmay in halkaasi laga sii wado dadaalka loogu adeegayo bulshada.
