Golaha Difaaca iyo Amniga Suudaan ayaa dalkaasi ku soo rogay xaalad degdeg ah oo socon doonta mudd 3 bilood ah.
Xaaladdaan ayaa ka danbaysay kadib markii dalkaasi ay ku dhufteen daadad ka dhashay roobab mahiigaan ah iyo fatahaad uu sameeyay wabiga Niil oo mara dhowr gobol oo dalkaasi ka mid ah.
Bayaankaan ayaa intaasi raaciyay in Suudaan waqti xaadirkaan ay tahay dal ay ka jirto Masiibo, waxaana la sameeyay gole sare oo la tacaala xaaladaha adag ee ka dhatay daadadka iyo fatahaadaha dalkaasi ka dhacay.
Dhanka kale wasiiradda Shaqada iyo horumarinta bulshada Suudaan Lena Al Sheikh ayaa sheegtay, in inta badan gobollada dalkaasi ay gaartey masiibada ka dhalatay daadadka oo saameyn ku yeelashay dad gaaraya Nus milyan qof waxaana ku burburtay boqol kun oo guri.
