Saraakiil ka tirsan howlgalka tababarka ciidanka Soomaaliya ee midowga Yurub ayaa booqday goob loogu talo galay qashinka oo laga dhisayo isbitaalka xoogga.
Mashruucan oo ay iska kaashanayaan wasaaradda gaashaandhigga Soomaaliya iyo midowga Yurub ayaa ah mid lagu dhisayo meel lagu burburiyo haraaga agabka caafimaadka ee isbitaalka loo isticmaalo sida cirbadaha,daawooyinka iyo kiimikada loo adeegsado nadaafadda.
Saraakiisha midowga Yurub waxay sheegeen in talaabadan ay gacan ka geysaneyso sare u qaadida adeegyada caafimaad ee isbitaalka.
Qashinka isbitaallada ayaa haddii aan la burburin waxaa ka dhalan karta halis caafimaad oo weyn taas oo dadka iyo deegaankaba saameyneysa.
