Gabar 14 jir ah ayaa iyada oo nool laga soo saaray burburka daar ku duntay dhul gariir Jimcihii aynu soo dhaafnay ee 30ka October ka dhacay dalka Turkiga .
Gabadhaan oo aan magaceeda wali la shaacinin ayaa ku hoos jirtay dhismaha Emrah oo ku yaalay magaalada IZMIR oo ah meesha uu waxyeelada ugu badan gaarsiiyay dhul gariirka.
Shaqaalaha gurmadka deg deg ah ayaa ku xoomay oo aad ugu farxay markii ay heleen gabadhaan oo 58 saac burburka dhismaha ku hoos jirtay.
Waxaa la geeyay cisbitaalka halkaas oo xaaladeeda lagula tacaalayo.
Shaqaalaha ayaa weli ku howlan baadi goobka dad la rumeysanyahay inay weli ku xanibanyihiin daaraha bur buray.
