Gudoomiye ku-xigeenka Arrimaha Bulshada iyo Wacyi Galinta Gobolka Banaadir Marwo Basma Caamir Axmed (Jaketti) ayaa maanta ka qeyb gashay Barnaamijka Doorka Haweenka Gobolka Banaadir ay kaga qadan karaan doorashooyinka Dalka iyo qondada haweenka Soomaaliyed ay ku leyihiin.
Barnaamijkaan ayaa waxaa soo diyariyay xafiiska Haweenka Gobolka Banaadir oo ay Hormuudka u tahay Guddoomiyaha Haweenka Gobolka Banaadir Jawaahir Maxamuud Jaamac (Jawaahir Baarqab), waxaana ka qeyb galay Xildhibaanno ka tirsan labada gole ee dowladda, haween ka kala socday 17-ka degmo ee gobolka Banaadir iyo marti sharaf kale.
Kulanka ayaa intii ka hadashay waxa ay si wadajir ah u xuseen in doorka haweenka ee dib u dhiska iyo horumarintiisa aan la xaqiri Karin, ayna ku dadaalayaan sidii haweenka Gobolka Banaadir ay door muuqdo uga qaadan lahaayeen dib u dhiska dowladnimada dalka.
