Hay’adaha gargaarka ayaa walaaca ka muujinaya xaalada dadka qaxootiga ah ee ku nool Gobalka Tigreega ee waqooyiga Ethiopia halkaas oo uu dagaal ka socdo.
Shaqaaluhu waxay sheegeen inkastoo qatar dagaal oo halis ah iyo waxyeelo aan looga baqeyn xeryaha ay dadka qaxootiga ku jiraan hadana waxaa gabaabsi ah raashiinka dadku ay heysteen.
Xanibaadda gaadiidka ee saaran gobalka oo cir iyo dhulba leh ayaa adkeyneysa in gargaarka raashiinka iyo adeegyada caafimaad uu gaaro dadka qaxootiga ah .
UNCHR oo ah hay’adda Qaramada Midoobay u qaabilsan Qaxootiga Adduunka waxay ay sheegtay in 96,223 oo isugu jira qaxooti iyo magangalyo doon, kuwaas oo badankood ka yimid dhanka Eritrea ay gobalka ku nool yihiin.
Waxaa ismaamulka Tigreega ku yaala 33 goobood oo dadka qaxootiga ay degan yihiin
