Kiiskii ugu horreeyay ee cudurka COVID-19 markii Soomaaliya looga dhawaaqay 16-kii Maarso 2020, Qaramada Midoobay iyo Dowladda Soomaaliya waxa ay billaabeen dadaal adag oo ay ku xoojinayaan hannaanka caafimaad ee dalka, iyagoo wax ka qabanayey joojinta fiditaanka musiibada, iyadoo loo marayo barnaamijka Haqabtirka Caafimaadka Bulshada (UHC) iyo horumarinta Qorshaha Qaranka ee Caafimaadka.
Wasaaradda Caafimaadka Soomaaliya, oo taageero ka heleysa Hay’adda Caafimaadka Adduunka WHO, waxa ay adeegsatay istiraatiijiyad ay si ficil ah uga fal-celineyso COVID-19, gaar ahaan kormeerka iyo baaritaanka kiisaska, maareynta kiisaska, ka hortagga infekshinka iyo xakameynta oo ay ku jiraan xoojinta shaybaarka.
