Maamulka Jubbaland ayaa aqbalay inuu ka qeyb galo shirka uu madaxweyne Farmaajo isugu yeeray madaxda maamul goboleedyada, kaas oo 1-da illaa 3-da bisha Febraayo ee sanadkan 2021-ka ka dhacaya magaalada Samareeb ee xarunta Dowlad goboleedka Galmudug.
Wasiirka Warfaafinta Maamulka Jubbaland Cabdi Xuseen Sheikh Maxamed ayaa sheegay in ay soo dhoweynayaan shirka uu ku baaqay madaxweynaha JFS,islamarkaana ka maamul ahaan ay ka qeyb galayaan.
Sidoo kale, Maamulka Puntland ayaa aqbalay shirka looga hadlayo arrimaha doorashooyinka ee ka dhacaya magaalada Samareeb.
Madaxweyne Maxamed Cabdillaahi Farmaajo oo tixgelinaya Xaaladda siyaasadeed iyo amni ee dalka iyo baahida loo qabo Doorasho heshiis lagu yahay ayaa shir isugu yeeray madaxda Dowlad goboleedyada iyo gobolka Banaadir, kaas oo ka dhacay magaalada Samareeb ee xarunta mamaulka Galmudug.
