15 qof oo isugu jira horjoogayaal iyo maleeshiyaad ka tirsan argagaxisada Alshabaab ayaa lagu dilay duqeyn dhanka cirka ah oo laga fuliyay degaan qiyaastii 12km u jira degmada Jamaame ee gobolka Jubada hoose, sida ay sheegeen saraakiisha ciidanka.
Duqeynta waxaa sidoo kale, lagu burburiyay saldhig maleeshiyada ay ku laheyd goobta la beegsaday, saraakiisha ciidanka xoogga dalka ayaa sheegay in meydad iyo dhaawacyo badan la geeyay degmada Jilib ee gobolka Jubada dhexe.
Goobta la duqeeyay ayaa lagu sheegay in ay aheyd xero lagu tababarayay maleeshiyaadka loo diyaarinayo dhibaateynta dadka Soomaaliyeed ee Muslimka ah, sida saraakiisha qeybta 43 aad ee ciidanka xoogga dalka u sheegeen Idaacadda Codka Ciidamada Qalabka Sida.
