Shaqaalaha ajnabiga ah ee ka howlgalaya Sacuudi Carabiya ayaa wixii hadda ka dambeeya waxay ka maarmi doonaan ogolaanshaha loo shaqeeyaha oo loo yaqaano Kafaala ka dib markii sharci muddo dheer la sugayay uu dhaqan galay.
Bishii November, ee sanadkii hore ayaa wasaaradda adeega aadamiga iyo horumarinta bulshada ku dhawaaqday qorshe wax looga bedelayo nidaamka Kafaala.
Related posts
Kooxaha xuquuqda aadanaha ayaa sheegay in hanaankan uu ka dhigay shaqaalaha ka shaqeeya dhismaha Sacuudiga kuwa u nugul in xuquuqdooda lagu tunto.
Wararka qaar ayaa sheegaya in loo shaqeeyiyaasha Sacuudiga ay shaqaalaha ka qaadan jireen baasaboorada kuna qasbi jireen in shaqeeyaan saacado ka dheeraad ah wixii lagu balamay sidoo kale waxay u diidi jireen xuquuqdooda arrintaas oo caadi ka aheyd boqortooyada Sacuudi Carabiya.
Sharciga dib u eegista lagu sameeyay ayaa dhigaya in shaqaalaha ajnabiga ah shaqadooda joogsanayso markii ka dhaco qandaraaska shaqada.
Shaqaalaha ajnabiga ah ayaa hadda xaq u yeelan doonaan in ay shaqadooda bedeshtaan ayagoo war gelin siinaya loo shaqeeyiyaasha.
Sidoo kale, shaqaalaha ayaa dalka ka dhoofi kara ayagoo aan wax ogolaansho ah uga baahneyn loo shaqeeyiyaasha, sida uu u qabo sharciga cusub.
Dhowr waddan oo ka tirsan Khaliijka, ayaa sannadihii la soo dhaafay, waxay dejiyeen dib-u-habeyn lagu sameynayo nidaamkooda Kafaala, ka dib markii ay ku baahday lixda xubnood ee Golaha Iskaashiga Khaliijka.
Dadka qaar ayaa qaba in dhibaatada wali ay sii jiri doonto mar haddii in dal ku gal aan heshaa ku xiran tahay ogolaanshaha wakiilkaaga ama kafiilka.
