Xirfadlayaashan oo tiradoodu dhantahay 175 qof ayaa 165 ka mid ah loo tababarey tacbashada Beeraha waaweyn iyo wax soo saarka Beeraha kooban ee xaafadaha, waxaa sidoo kale 10 xubnood oo ka mid ah la baray aqoon la xiriirta wax soo saarka shinida iyo xanaaneynteeda.
Kadib tababar u socdey in mudo ah ayay Hey’adda IRC maanta ku gudoonsiidey magaalada Dhuusamareeb agabkii ay ku howlgali lahaayeen oo isugu jira kan beeraha iyo abuurka oo ay wehliyaan Qalabka shinida oo iyana lasiiyey qaybta loo tababarey xirfadaasi.
Munaasabad kooban oo loo sameeyay bixinta agabkan iyo xiritaanka tababaradan ayuu ugu horeyn faah faahin ka jeediyay Abdijamaal hassan magan Madaxa Hey’adda IRC ee Galmudug.
Qaar ka mid ah ka qayb galayaasha tababarkan ayaa ka mahad celiyay aqoonta iyo agabka ay la garab joogsatey Hey’adda IRC.
Ugu dambeyn Wasiir Kuxigeenka Xanaanada Xoolaha Galmudug Xassan Cabdulaahi Cascseey iyo Wasiir Kuxigeenka Beeraha Cilmi cali ganeey ayaa dardaaran u jeediyay dadka ka faa’iideystay tababarkan isla markaana la gudoonsiiyey agabkii ay ku howlgali lahaayeen.
