Wasiir ku-xigeenka Warfaafinta Dhaqanka iyo Dalxiiska ee Xukuumadda Federaalka Soomaaliya mudane Cabdiraxmaan Yuusuf Sheekh Cumar ( Al-Cadaala) oo booqasho maalmo qaadan doonta ku maraya Degmooyin iyo Deegaanno hoostaga Gobolada Mudug iyo Galgaduud ayaa la kulmay Gudigga dhismaha waddada Hobyo iyo Gaalkacyo ee Gob.
Wasiirka oo ay wehlinayaan Mas’uuliyiin ka tirsan Maamulka Galmudug ayaa warbixin ka dhageystay xubnaha ugu sareeya Guddiga ku howlan dhismaha waddada, isagoo intaas kadib ku bogaadiyey shaqadaas muhiimka ah ee ay u hayaan Dalkooda iyo Dadkooda.
Wasiir ku-xigeenka Warfaafinta Mudane Cabdiraxmaan Al-Cadaala ayaa sheegay in waddadan ay wax badan u tari doonto Bulshadda Reer Galmudug oo iyagu si isxilqaan ah ku dhisanaya.
Wasiirka ayaa ugu deeqay dhismaha waddadan muhiimka ah 5,000 oo dollar si loogu kaabo dhaqaalaha loo aruurinayo dhamaystirka Dhismaha Waddada Hobyo iyo Gaalkacyo.
Wasiir Cadaala waxa uu ugu dambeyn u sheegay Gudigga in uu warbixintooda u gud bindoono Xukuumadda uu ka tirsan yahay si ay kaalin wax ku ool ah uga qaadato.
