Shirka Qaran ee iskaasshiga arrimaha garsoorka iyo tababarada oo uu manta Muqdisho ka furay Guddoomiyaha Maxkamadda sarre ee dalka, ayaa waxaa ka qeybgalay Xeer ilaaliyaha guud ee Qaranka,wasiirka cadaaladda XFS , madaxda garsoorka gobolka Banaadir iyo masuuliyiin ka socda hey’adaha Garsoorka dowladaha xubnaha ka ah dowlada dhaxe.
Shirkaan oo soconaya Muddo afar maalin ah ayaa waxaa xoogga lagu saaraya sidii la isaga kaashan lahaa tababarada iyo wada shaqeynta Heyโadaha Garsoorka iyo Jiheynta Tababarada iyo kor u qaadista xirfadaha shaqaalaha gasoorka.
Related posts
Waxaa sido kale lagu gorfeynayaa ansixinta Axdiga Machadka Tababarka Garsoorka Dalka.
Dr Suleymmaan Maxamed Maxamuud Xeer ilaaliyaha guud ee Qaranka ayaa sheegay in in heyโadaha garsoorka dalka ay u diyaarsan yihiin jiheynta iyo siyaasada lagu tababarayo shaqaalaha ka shaqeeya garsoorka dalka.
Cabduqaadir Maxamed Nuur Jaamac wasiirka Cadaalada XFS ayaa guul weyn ku tilmaamay shirkaan si tala wadaago laga yeesho adeegyada cadaaladeed ee loo qabanayo Bulshada Soomaaliyeed.
Guddoomiyaha Maxkamadda sarre ee dalka Garyaqaan Baashe Yuusuf Axmed oo furay Shirka ayaa tilmaamay in ujeedka ugu weyn ee Machadka gasroorka loo aas aasay ay tahay jiheynta tababarada garsoorka dalka.
Mudada uu socdo shirka ayaa waxaa jira dodo ay yeelan doonan dhinacyada ka qeybgalaya waxaana ka mid ah in si rasmi ah loogu dhawaaqo yagleelida machadka tababarka garsoorka Soomaaliyeed oo masuul ka noqon doona tababarida iyo kor u qaadida xirfada garsoorayaasha, xeer ilalaaiyayaasha iyo kaaliyayaasha heer federaal iyo heer maamul goboleed,Cahdiga Machadka Tababarada garsoorka iyo Manhajka Garsoorka dalka.
