Ciidamada Xoogga iyo kuwa Daraawiishta Galmudug ayaa ku guuleystay dagaal dhan ka ah maleeshiyaad Al-Shabaab ee ku haray deegaanka Qod-qod oo ka tirsan Mudug.
Ciidamada oo isbaheysanaya ayaa maleeshiyaad Al-Shabaab ka saaray deegaanka Qod Qod ee gobolka Mudug, halkaasi oo ay si dhuumaaleysi ah ku joogeen argagixisada.
Saraakiisha Howgalka Hogaamineysay ayaa xaqiijayay in dagaalkii maanta looga adkaaday kooxdaasi, isla markaana laga saaray deegaanka Qod Qod.
Wasiirka Amniga Galmudug mudane Axmed Mucalim Fiqi, ayaa Wakaaladda Wararka SONNA u xaqiijiyay in ay sii socon doonaan dagaallada argagixisada looga saarayo deegaannada Mudug iyo Gaalgaduud.
