Tababarka aqoon isweydaarsiga oo muddo saddax maalin ah ka socon doono magaalada Baydhabo Waxaa si wadajir ah u soo qaban qaabiyey Wasaaradda arrimaha gudaha Dawladaha Hoose iyo dib u heshiisiinta Koonfur Galbeed iyo Ururka Dhallinyarada Soomaaliyeed.
Dhallinyaro gaaraysa 75 ka kala socda Wasaaradaha Koonfur Galbeed, Booliska iyo ururada kala duwan ee ka jira Koonfur Galbeed ayaa ka soo qeyb galay kulanka, waxaana lagu baran doonaa wax la x riira dib u heshisiinta, hanaanka Federaalka, isticmaalka Baraha Bulshada iyo saameynta uu ku leeyahay horumarka Dalka.
Agaasimaha Wasaaradda Qorsheynta, Maalgashiga iyo Horumarinta Dhaqaalaha Koonfur Galbeed Mudane Isxaaq Cali Mursal ayaa Dhallinyarada ka qeyb galeysa kulanka faray in ay si fican uga hadlaan qodobada laga doodi doono ee horyaalla.
Agaasimaha Wasaaradda Arrimaha Gudaha Dawladaha Hoose iyo Dib u heshisiinta Koonfur Galbeed Mushaf Sheekh Cabdullaahi ayaa dhallinyaradu faray inay fahmaan nidaamka Faderaalka iyo dib u heshisiinta.
