Garoonka Kubadda Cagta ee Eng. Yariisow Stadium ayaa waxaa galabta lagu qabtay Koob Kubadda Cagta oo lagu Maamuusayay Shuhadadii ku shahiiday 24 July 2019 Qaraxii ka dhacay Xarunta Aqalka Dowladda Hoose ee Xamar.
Kulan Cayaareedkaan ayaa waxaa uu dhex maray Naadiga Madbacadda iyo Naadiga MCC ee Dowladda Hoose, iyadoo ay goobjoog ka ahaayeen Madaxda Maamulka Gobolka Banaadir oo ay ugu horeeyeen Guddoomiye Ku-xigeenka Maamulka Gobolka Banaadir ee Arrimaha Bulshada Marwo Basmo Caamir Axmed iyo Xoghayaha Guud ee Maamulka Gobolka Mudane Xiirey Axmed Rooble.
Naadiga Dowladda Hoose ee Xamar ayaa 2-1 kaga adkaatay Naadiga Madbacadda, iyadoon Guddoomiye Ku-xigeenka Maamulka Gobolka Banaadir Marwo Basma Caamir Axmed ay Koobka Eng. Yariisow Cup guddoonsiisay Naadiga MCC.
Taageerayaal aad u fara badan oo ka kala yimid degmooyinka Gobolka Banaadir ayaa u soo daawasho tegay garoonka.
