Diyaaradaha Israa’iil ayaa manta duqeeyay gooba ay ku sugnayeen Xamaas eoo ku yaalla Marinka Gaza ,iyaga oo ka jawaabaya Gantaallo laga laga soo tuuray dhulka Falastiin, sida ay sheegeen milatariga Israa’iiliyiinta.
Ma jiraan warar sheegaya khasaare ama waxyeello dhabta ah ee ka dhashay weerarkan lagu bartilmaameedsaday qeyb ka mid ah Marinka Gaza, balse milatariga Israa’iil ayaa sheegtay in ay duqeyeen goob laga soo ganay Gantaallo iyo xarun ay leeyihiin Ururka Xamaas ee maamula Gaza.
Xamaas wax jawaab ah kama aysan bixin weerarkaasi ,hasa yeeshee qoraal baraha bulshada lagu daabacay ayaa muujinaya In kooxda Xamaas ay Rasaas la beegsadeen diyaaradaha Israa’iil iyagoo ka jawaabaya weerarka.
New Press ayaa sidoo kale sheegtay in saddex goobood ay bartilmaameedsadeen Ciidamada Isra’iil oo ay ku jiraan Beytu Xanuun iyo Jabalya.
