Dufcadii ugu horeysay ee dugsiga sare ah ee ka qalinjabisa dugsiga saree e Xudur ayaa waxaa xaflad qalin jabin iyo dhiirogelin iskugu jirto loogu qabtay magaalada Xudur ee Gobolka Bakool.
Munaasabadan oo isugu jirtay mahadcelin duco iyo dardaaran waxa soo agaasimay maamulka dugsi sare ee Xuddur waxaana lagu casuumay ardayda nasiibka u yeelatay in ay noqdaan dufcadii ugu horeysay ee dugsi sare Xuddur ka baxda sanad dusiyeedka 2020-2021 tan iyo burburkii dowladii dhexe, maamulka degmada xuddur guddoonka waxbarashada waalidiinta ardada maamulayaasha dugsiyada iyo aqoonyahano.
Ugu horeyn maamulaha dugsi sare Xuddur Ciise Aadan Nuur oo khudbad dheer jeediyey ayaa maamulka degmada xuddur ka codsaday in ay garab istaagaan iskuulka isagoona u mahadcelieyey guddoomiyihii hore ee gobolka bakool Maxamed Cabdi Tol oo sheegey in kaalin mugleh ka qaatay dib u shaqeysiinta dugsiga.
Ardaydaan waxay kaalimo fiican ka galeen imtixaankii shahaadiga ahaa ee dowliga ay ka qeyb galeen, Qeybihii kala duwanaa ee bulshada munaasabada lagu casuumay ayaa siyaabo kaladuwan ula dardaarmay ardada iyo waalidiintooda.
Gabagabadii munaasabada waxa soo xiray guddoomiyaha xafiiska nabadgelyada Ibraahim Isaak Ibraahim iyo guddoomiyaha degmada Xuddur Maxamed Macalin Axmed.
