Bulshada iyo Maamulka Magaalada Dhuusamareeb ee Caasimada Galmudug ayaa wadajir ugu howla bilic soo celinta Magaalada iyo martigalinta dadka ka qayb galeya doorashada ee isaga imaanaya Galmudug iyo gobolada kale ee dalka.
Dhalinyarada Caasimada oo mudooyinkan ku howlanaa dib u hagaajinta bilicda goobaha astaanta u ah magaalada sida, raana-boodka oo ah tilmaamta ugu weyn ee Dhuusamareeb iyo xarunta dowlada hoose ayaa soo gaban gabeeyay howshaasi oo daah fur kooban oo loo sameeyay uu ka qayb galey duqa Dhuusamareeb macalin Cabdiraxmaan Geedaqoroow oo ay wehliyaan madaxda ururka dhalinyarada Dhuusamareeb sida gudoomiyaha ururka Calas Cabdinuur Barre.
Related posts
Mas’uuliyada iyo howshan is xilqaanka ah ee dhalinyaraddu dusha u ridatey ayuu maayarka Dhuusamareeb ku tilmaamey mid qayb wayn ka qaadatey bilic muujinta Magaalada Dhuusamareeb, isagoo dhamaanba bulshada ku booriyay in ay kaalin ka geystaan howlaha socda oo ay ugu weyn yihiin, amaanka iyo nadaafada.
Maamulka Dhuusamareeb oo is abaabulka bulshada bogaadiyay ayaa balan qaadey in sidoo kale ay bilaaban doonaan barnaamijyo kale oo bilicda Magaalada qayb ka qaadan doona sida nashqadeyn cusub oo loo sameeyay meelaha caanka ah kuwaa oo ay dhismohooda gacan ka geysanayaan shirkado ganacsi iyo shaqsiyaad wax heysta.
