Agaasimaha Guud ee Agaasinka Waxbarashada Gobolka Banadir Mudane Cabdiraxmaan Cumar Sheekh Nuur, ayaa maanta soo xiray kulan lagu diyaarinayay Qorshaha Waxbarashada Gobolka Banadir ee 5ta sano soo socota (2021-2025).
Kulankan oo socday muddo 3 cisho ah ayaa si wayn loogu lafa guray qorshaha Waxbarashada Gobolka Banaadir ee shanta sano ee soo socota, si loo helo istaraatiijiyad ku saleysan Waxbarashada Gobolka.
Shirka oo ay soo diyaariyay Waaxda Qorsheynta iyo Siyaasadaha ee Agaasimaha Guud Waxbarashada Gobolka Banadir ayaa intii uu socday waxaa diyaarinta qorshahan istiraatiijiga ah ka qayb galay hawlwadeennada Agaasinka iyo xeel-dheerayaal bahda Waxbarashada Gobolka Banaadir laga soo xulay.
Mudane Cabdiraxmaan Cumar Sheekh Nuur, ayaa ka mahadceliyay ka qeybgalayaasha kulanka iyo qodobada muhiimka ah ee ay ka soo saareen shirka oo ku saleysan tayaynta Waxbarashada Gobolka Banaadir.
