Wafdi ka socda Dowladda Soomaaliya uu hoggaaminayo Agaasimaha Guud ee Agaasinka Deegaanka ee Xafiiska Raโiisul Wasaaraha Mudane Axmed Nuur Yuusuf, ayaa booqasho ku jooga Magaalada Kigali Caasimadda Dalka Rwanda.
Ujeedka safarkooda ayaa ah xoojinta wadashaqeynta Heyโadaha ka shaqeeya arrimaha Deegaanka ee Dalka Rwanda iyo sidii Dowladda Soomaaliya ay khibrad uga heli laheyd hab ka maareynta qashinka iyo hirgelinta shuruucda Deegaanka maadaama uu Agaasinka Deegaanka ee Xafiiska Raโiisul Wasaaraha ku howlanyahay soo saarista Siyaasada Qaran ee Maaraynta Qashinka Dalka (Somali National Waste Management Policy).
Related posts
Wafdiga ayaa kulamo kala duwan la qaatay madax iyo khubaro ka socotay Wasaaradaha, Heyโadda Dowladda Rwanda ee ka shaqeeya arrimaha Deegaanka iyo Dowladda Hoose ee caasimadda Kigali ee Dalka Rwanda.
Waxaa uu wafdig warbixino ku saabsan sida ay u shaqeyso Wasaaradda Deegaanka uu ka dhageystay khabiir ka socday Wasaaraddaas, sidoo kale wafdiga waxaa uu la kulmay heyโadda Rwanda Green Fund, Heyโadda Maareeynta Deegaanka ee Dalka Rwanda (REMA), iyagoo soo bandhigay qaabka wadashaqeynta iyo heyโadahaas iyo halgankooda illaalinta bedqabka deegaanka halka aya kasoo bilaaween iyo sida Soomaaliya cashar uga qaadan karto.
Sidoo kale Agaasimaha Guud ee Agaasinka Deegaankaย ayaa la kulmay dhigiisi Agaasimaha Guud ee Wasaaradda Deegaanka Dalka Rwanda Marwo Beatrice Cyiza,iyagoo ka wada hadlay xoojinta xiriirka labada heyโadood iyo sidoo kale labada dhinac caqabadaha ka jira iyo guulaha la gaaray.Wafdiga ayaa waxa ay booqasho gaaban ku tageen goobo kala duwan oo lagu maareeyo qashinka adag iyo midka elektoroonika ah.
Ugu dambeyn wafdiga ayaa waxa casho sharaf u sameeyay mas’uuliiyin ka socotayย heyโadda iskaashiga caalamiga ee Rwanda oo ka tirasan Wasaaradda Arrimaha Dibadda dalkaas, iyagooย ka wada hadlay xoojinta xiriirka wadashaqeynta arrimaha deegaanka ee ka dhaxeysa labada dal iyo in laga shaqeeyo kulamo xiga oo heshiisyo is afgarad lagu gaaro.
