Agaasimaha Guud ee Wasaaradda Arrimaha Gudaha, Federaalka iyo Dib-u-heshisiinta ee Xukuumadda Federaalka Soomaaliya. Mudane Saciid Cabdullahi Calasow ayaa maanta soo xiray Aqoon iswaydaarsi ku saabsanaa qaabka loo hagayo wejiga labaad ee Barnaamijka xasilinta I-STAND ee ku xiran ka qayb qaadashada mawduucyada hoos yimaadda “Xasilinta dalka, laga soo bilaabo midnimada bulshada ilaa horumar waara uu dalka ka gaaro”
Aqoon iswaydaarsigaan oo labadii maalmood ee lasoo dhaafay ka socday magalada Muqdisho ayaa waxaa ka qayb galay xubno ka socda Dowlad Goboledyada, Maamulka Gobolka Banaadir, Bulshada Rayidka iyo Madax ka Socotay Hay’adda Nis Foundation, waxaana lagu lafa guray arrimo badan oo ku saabsan barnaamijkan.
Agaasimaha Guud ee Wasaaradda Arrimaha Gudaha, Federaalka iyo Dib-u-heshisiinta ee Xukuumadda Federaalka Soomaaliya. Mudane Saciid Cabdullahi Calasow ayaa xusay in barnaamijkan uu wax badan ka qeyb qaadan doono horumarinta amniga ee dalka.
